Karen Erla fór í 5 mánaða skoðun í dag. Hún var 7,19 kg og 65,5 cm, þannig að hún heldur sínu striki á meðaltalskúrfunni. Svo fékk hún sprautu með bóluefni og sinn fyrsta plástur. Hún grét bara smávegis og horfi með fyrirlitningarsvip á hjúkkuna en það var svo stutt í brosið aftur.

Seinnipartinn fékk hún svo heimsókn frá Agnesi Gígju frænku sinni sem er 8 mánaða og kann að sitja. Karen Erla varð auðvitað að herma eftir stóru frænku sinni og sýndi glæsileg tilþrif og náði að sitja í tæpar 2 mínútur…þannig að þetta er allt að koma

Þessa dagana er nóg að snúast. Ég er á kafi í vinnu og svo er bara eins og venjulega nóg við að vera hjá fjölskuldunni. Ég er bara farinn að hlakka til að fara í bústaðinn í lok mánaðarins. Vondandi verði líka komið sumar þá

Þá er maður að ná sér eftir skólatörnina sem stóð yfir í 5 ár. Þetta gekk víst allt eftir og brautskráningin verður 24.júní. Spennufallið er að líða hægt og rólega yfir. Nú situr maður og vinnur sig niður úr bunkanum á skrifborðinu, það var smá sem fékk að sitja á hakanum…. Ég er meirað segja búinn að slá garðinn (myndir væntanlegar)