Fjölskyldan hennar Ölmu hittist í hádeginu í dag og gekk frá Kaldárseli í Valaból. Um 30 manns mættu og var gaman að trítla þessu skemmtilegu leið. Þar var svo nestið snætt og farið í nokkra leiki áður en haldið var heim aftur. Ferðin hófst í rigningu en brakandi blíða var þegar komið var tilbaka. Nokkrar hraustar dömur sem fannst ekki taka því að fara heim fóru á Helgafellið þegar göngunni var að ljúka.

Seinnipartinn fórum við í tveggja ára afmælið hans Breka og síðan í kvöldmat á Hraunbrúnina. Góður dagur

Var að horfa á Skjá einn og sá auglýsingu frá Oliver um einhvern mann….nenni ekki einu sinni að segja frá því. Þetta var einfaldlega ömurlegasta auglýsing sem ég hef séð. ever. Átti þetta að vera fyndið eða sniðugt? Hrikalegt.

Fyrsta tönnin er komin uppá yfirborðið hjá Kareni Erlu Eiginlega eru þær tvær að koma upp saman í neðri gómnum. Glæsileg tilþrif hjá henni daginn eftir að hún varð sex mánaða. Þetta útskýrir kannski hvers vegna hún er búin að vera óróleg síðustu 4 nætur…. Svo er það 6 mánaða skoðun á morgun og þá sést hvort hún sé ekki að stækka eðlilega og að allt sé í lagi.