Nú stefnir allt í að við förum í bústað í dag og framá sunnudag. Spáð er góðu veðri og fínerí. þannig að gott verður að taka smá sælu í sveitinni

Gott að vera kominn í frí.
Við fórum í svakalega humar og nautakjötsveislu til Hemma og Hugrúnar á föstudaginn og sannaðist enn og aftur að Hemmi er allgóður kokkur.
Á laugardaginn tók ég svo ársskammtinn af golfi. Spilaði 28 holur, 18 á Akranesi og 10 í Grafarholti. Þetta var einni holu of mikið, því ég leiddi seinna mótið eftir 9 holur en klúðraði feitt á þeirri seinustu
Sunnudagur og mánudagur hafa svo farið í hinar ýmsu útréttingar

Ég tók mig til og skráði mig í motocross keppni um daginn. Keppnin var haldin við Grindavík í gær og skemmti ég mér þrælvel. Eftir að hafa tekið frí frá motocross keppni í 3 ár var svolítið erfitt að koma sér að stað aftur, ég fór þó á nokkrar æfingar síðustu vikur til að reyna að ná einhverju aftur. Þetta tókst allavega og ég komst í mark heilu á höldnu enda með mikinn stuðning frá tengdafjölskyldunni sem mætti í öllu sínu veldi ásamt Ölmu og auðvitað Karen Erlu. Ég endaði í 16 sæti í B-flokki sem hefði kannski mátt vera aðeins betra, en ég fékk allavega útrás

Þegar heim var komið og búið að dusta af sér mesta rykið fórum við í bæinn á menningarnótt. Kannski vorum við fullseint á ferðinni því við sáum ekki margt. Óperu-aríur á Klambratúni, BrainPolice á Dillon og flugeldasýningu. Góð blanda.

Ef það segir eitthvað um hvernig Karen Erla verður þegar hún verður stór, þá svaf hún á motocross keppninni og á flugeldasýningunni en vaknaði þegar óperusöngurinn var.