Ríkisstjórnin er að klúðra hlutafélagavæðingu RÚV rétt eins og Flugmálastjórnar. Nýjasta útspilið hjá þeim er að koma með málamiðlunina um takmarkaða auglýsingasölu RÚV. Þvílík vitleysa. Hverju á það að skila? Ef menn sæju lengra en einn leik fram í tímann þá yrði kannski barn úr þessu. Takmörkuð sala auglýsinga er líklega hugsuð sem bót fyrir einkarekna fjölmiðla að auglýsendur kaupi af þeim vegna þess að auglýsingarnar hjá RÚV séu uppseldar. Hvað með neytandann? Myndir þú kíkja á fréttirnar á ruv.is eða mbl.is þegar þú veist að mbl.is er 85% þakið bannerum og auglýsingum að reyna að selja þér greiðslufrest eða skuldir, eða á ruv.is þar sem fréttirnar eru ómengaðar? Myndir þú hlusta á útvarpsstöð þar sem talað er í sífellu um að þátturinn sé í boði SS pylsa (innan um 20 mínútur af auglýsingum á klst) eða bara á þægilega músik í boði RÚV?
Auglýsandinn kaupir ekki auglýsingar á einkarekinni stöð vegna þess að enginn er að hlusta þar.
Aðeins eitt svar er til við þessu klúðri: Selja RÚV

Ég held að Árni Johnsen og Jón (framsóknarformaður) ættu að reka PR fulltrúann sinn. Þeir hljóta að vera með sama náungann í vinnu við að semja fyrir sig ræður. Glæsilegur starfskraftur, fann upp frasann “Tæknileg mistök” og tönglast á honum aftur og aftur. Hann ætti að lesa blöðin eða að fá utanaðkomandi álit á starfi sínu. Þetta er ekki að ganga nógu vel hjá þér vinur.

Hákon

Við fórum með Karen Erlu á snjóþotu í dag, fyrsta jaðarsportið hennar og fyrsta skiptið út í snjóinn. Hún tók þessu vel og brosti breitt, þegar hraðinn jókst byrjaði hún að skellihlæja og vildi meira. Pabbinn orðinn andstuttur, þurfti að hægja ferðina var sú stutta ekki sátt, vildi fara hraðar.
Ætli þetta sé í genunum?

btw. hún varð 10 mánaða í dag

Harði diskurinn hrundi hjá mér í Makkanum í fyrradag. Greyið orðinn þreyttur eftir 3 ára (mikla) notkun og að hafa dottið tvisvar frekar illa í gólfið. Ég tók mig til og keypti nýjan disk og setti hann í sjálfur. Fann fínar leiðbeiningar á netinu og lítið mál, tók klukkutíma. Ég hef fengið hugboð í BYKO um daginn þegar ég var að leita að krana þá keypti ég skrúfjárnasett fyrir pinkulitlar skrúfur og það reddaði mér. Ég er reyndar enn að setja inn öll forritin því ég náði ekki að bakkuppa nema hluta af stöffinu mínu, eitthvað lenti í sjónum. Auðvitað voru allar myndirnar á vefalbúminu þannig að það var það sem skipti mestu máli.
Svo til að toppa þessa viðgerðartörn þá bætti ég vinnsluminni í 12 tommuna hans Þorra og hún virkar miklu betur