Jólin hjá okkur eru búin að vera hreint frábær. Á aðfangadag fórum við í hádegismat á Hraunbrúnina og svo fórum við á rúntinn með pakka. Við borðuðum svo hátíðarmatinn hjá Ásgeiri og Erlu í Garðabænum. Frábær matur og yndisleg jól. Karen Erla naut sín vel á fyrstu jólunum og skemmti sér vel við að opna pakkana og að leika sér við þá, óopnaða. Eftir eftirréttina (btw. afinn fékk möndlugjöfina) þá fórum við í Hafnarfjörðinn aftur og fundum þar fjölskylduna og nokkra óopnaða pakka. Karen Erla vakti allan tíman enda skemmtilegur félagsskapur og ómögulegt að missa af einhverju, hún sofnaði fyrr en um klukkan 1 í rúminu sínu 
Á Jóladag vaknaði skvísan auðvitað klukkan 7 eins og venjulega og hélt sinni rútínu bara áfram. Lagði sig á milli 9 og 2 !! Þá drifum við okkur í heimsókn til langömmu hennar og svo í jólaboð hjá Ómari frænda og Sigrúnu. Þar var margt um manninn og dansað í kringum einiberjarunn. Alltaf gaman að ganga í kringum jólatréið en núna gerðist eitthvað óvænt….jólasveinn birtist öllum að óvörum í glugganum og gægðist inn um gluggann. Honum var hleypt inn og reyndist þetta vera gluggagægjir og gaf hann börnunum mandarínur og epli.
Um kvöldið fórum við svo í matarboð hjá Þóru og Halli sem var ákaflega ljúffengt og skemmtilegt.
Nú er annar í jólum og stefnan sett á að slappa aðeins af fyrir matarboðið í kvöld….
Hákon