Jæja, þá er maður loksins að komast heim í helgarfrí eftir að hafa verið í rúman mánuð í Sverje. Námskeiðið sem ég var að kenna kláraðist í dag og útskrifuðust allir nemarnir. Við fórum í fyrrakvöld og héldum uppá áfangan á írska barnum Fagan’s með glæsibrag. Þetta var alveg eins og allsstaðar í heiminum þar sem ungir námsmenn koma saman. Bjór og það allt. Það vildi svo heppilega til að einn af kennurunum átti afmæli þennan dag, breti sem varð 65 ára, og það var sungið fyrir hann 8 sinnum afmælissöngurinn í fullu blasti.
Í gærkvöldi var svo öllu dannaðara kvöld þegar nokkrir af kennarastofunni fóru út að borða til að kveðja einn kennaran sem var að fara til Stokkhólms að vinna. Við fórum á Lemongrass sem er flottur asískur staður. Það var líka helvíti fínt.

Það er varla hægt að segja að það sé partý öll kvöld hjá manni en þetta stytti manni allavega stundir við að telja niður klukkutímana í heimför.

Svo fór ég í dag og græjaði fyrir okkur leiguhúsnæði. Skrifa svo undir samninginn í næstu viku þegar ég kem út aftur

later,
Hákon
p.s. ég fór í 7 strætóa í dag